അദ്ദിക്ർ

പ്രവാചകന്‍റെ കാലത്തുള്ള മദീനയിലുള്ള ജൂതരുടെയും മക്കാമുശ്രിക്കുകളുടെയും ഇത്തരം കപടസ്വഭാവങ്ങള്‍ ഇന്ന് അറബി ഖുര്‍ആന്‍ വായിക്കുന്ന ഫുജ്ജാറുകളിലാണ് കാണപ്പെടുന്നത് എന്ന് 3: 7; 48: 6; 98: 6 സൂക്തങ്ങളില്‍ പറഞ്ഞിട്ടുണ്ട്. വായപൊളിച്ചാല്‍ നുണപറയുക, വാഗ്ദത്തം ചെയ്താല്‍ ലംഘിക്കുക, വിശ്വസിച്ചാല്‍ വഞ്ചിക്കുക തുടങ്ങി യവ അവരുടെ പ്രത്യക്ഷമായ സ്വഭാവങ്ങളാണെന്ന് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്. 16: 91 ല്‍, അല്ലാഹുവിനെ മുന്‍നിര്‍ത്തിക്കൊണ്ട് ചെയ്യുന്ന ഉടമ്പടികള്‍ നിങ്ങള്‍ പൂര്‍ത്തിയാക്കുക, അല്ലാഹുവിനെ സാക്ഷിയാക്കിക്കൊണ്ടുള്ള പ്രതിജ്ഞകള്‍ ലംഘിക്കുകയുമരുത്, അതില്‍ അല്ലാഹുവിനെ നിങ്ങള്‍ മേല്‍നോട്ടക്കാരനാക്കിയിട്ടുണ്ടല്ലോ, നിശ്ചയം അല്ലാഹു നിങ്ങള്‍ പ്രവര്‍ത്തിക്കുന്നതെല്ലാം അറിയുന്നുണ്ട് എന്നുപറഞ്ഞിട്ടുണ്ട്. എന്നാല്‍ ചിന്താശക്തി ഉപയോഗപ്പെടുത്താത്ത ഭ്രാന്തന്മാരായ ഫുജ്ജാറുകള്‍ അദ്ദിക്റിനെ വിസ്മരിച്ച് 2: 168-169; 6: 55 സൂക്തങ്ങളില്‍ വിവരിച്ച പ്രകാരം പിശാചി നെ സേവിച്ചുകൊണ്ടിരിക്കുന്നവരും അവന്‍റെ കാല്‍പാടുകള്‍ പിന്‍പറ്റുന്നവരുമാണ്. 2: 26-27; 3: 75; 17: 34 വിശദീകരണം നോക്കുക.